RAIS MAGUFULI ATOA RAMBIRAMBI KIFO CHA RWEGASIRA.

Rais wa Jamhuri ya Muungano wa Tanzania Dkt. John Pombe Magufuli ametuma salamu za rambirambi kwa familia ya Balozi Joseph Rwegasira, aliyefariki dunia jana tarehe 04 Machi, 2016 katika Hospitali ya Taifa Muhimbili alikokuwa akipatiwa matibabu.

0

Taarifa iliyotolewa na Kaimu mkurugenzi wa mawasiliano Ikulu Gerson Msigwa inasema kuwa Katika salamu zake kupitia kwa waziri wa mambo ya nje ushirikiano wa Afrika Mashariki kikanda na kimataifa, Rais Magufuli amesema kuwa marehemu Rwegasira atakumbukwa kwa mchango wake mkubwa alioutoa katika harakati za kukuza diplomasia na kuleta amani katika nchi majirani kwani alikuwa mchapakazi muadilifu na mzalendo wa kweli kwa nchi yake.

Wakati wa uhai wake, Balozi Rwegasira amewahi kushika nyadhifa mbalimbali serikalini zikiwemo Waziri wa Mambo ya Nje na Ushirikiano wa Kimataifa, Mkuu wa Mkoa wa Dar es salaam na Balozi wa Tanzania nchini Zambia na jana alifikia kikomo cha maisha yake akiwa na umri wa miaka 81.

Dkt. Magufuli amewataka familia, ndugu, jamaa na marafiki wote kuwa wavumilivu na wastahimilivu katika kipindi hiki kigumu na kwamba anaungana nao katika kumuombea marehemu.http://younggskillzmusicshare.blogspot.com/